Nákuðungur (Nucella lapillus)

18. nóvember 2008
Nákuðungur Nucella lapillus
Nákuðungur finnst í víða í gjót- og klettafjörum. Einkum heldur hann sig í grennd við krækling og hrúðurkarl en það er aðalfæða nákuðungsins. Algengt er að finna hann í allri fjörunni að sumarlagi en nákuðungurinn liggur í dvala yfir háveturinn. Nákuðungurinn verpir eggjum í keilulaga hylki sem þeir festa við kletta eða stórgrýti.  Hylkin festa þeir á hart undirlag oft undir steinum eða í klettaskorum þar sem raki er.
Nákuðungurinn er rándýr, með tennta skráptungu sem hann notar til að rífa hold bráðar og getur hann borað gat á skeljar og náð þannig í fæðuna. (SK).
 
 

 


Til baka